Ma’lumot
2019-yilda Toshkent moliya institutida iqtisodiyot fanlari bo‘yicha falsafa doktori (PhD) ilmiy darajasini muvaffaqiyatli himoya qilgan. Ilmiy va pedagogik faoliyatni amaliy tajriba bilan uyg‘unlashtirgan mutaxassis sifatida bugungi kunda 08.00.08–“Buxgalteriya hisobi, iqtisodiy tahlil va audit” ixtisosligi bo‘yicha iqtisodiyot fanlari doktori (DSc) ilmiy darajasini olish yo‘lida doktorlik dissertatsiyasi ustida ilmiy izlanishlar olib bormoqda. Muallif sifatida bir qator ilmiy-uslubiy ishlar yaratgan bo‘lib, jumladan: 1 ta o‘quv qo‘llanma, 9 ta uslubiy qo‘llanma, shuningdek 100 ga yaqin ilmiy maqola va tezislar muallifidir. Uning ilmiy ishlari buxgalteriya hisobi, moliyaviy tahlil va audit sohalarining dolzarb muammolariga bag‘ishlangan. Ilmiy-pedagogik faoliyat bilan bir qatorda boy amaliy tajribaga ega bo‘lgan mutaxassis Sertifikatlangan amaliyotchi buxgalter (CAP), Sertifikatlangan kichik moliya mutaxassisi (AFS) hamda IFRS.Cert sertifikatlari sohibidir. Amaliy faoliyati davomida auditorlik xizmatlari bilan shug‘ullangan, shuningdek texnikumda direktor, oliy ta’lim muassasasida esa prorektor lavozimlarida samarali faoliyat yuritgan. Bugungi kunda ilmiy-pedagogik faoliyat bilan birga Intellectual Accounting System MChJ hamda hisob.uz loyihasining asoschisi sifatida buxgalteriya hisobi va moliyaviy axborotlarni raqamlashtirish, zamonaviy hisob tizimlarini joriy etish yo‘nalishida faol ish olib bormoqda.